جنوبی افریقہ سے ایک اور بری خبر آگئی ،اہم کھلاڑی کو ٹی ٹوئنٹی سکواڈ سے باہر کردیا گیا

جنوبی افریقہ سے ایک اور بری خبر آگئی ،اہم کھلاڑی کو ٹی ٹوئنٹی سکواڈ سے باہر کردیا گیا                          جنوبی افریقہ کے خلاف ٹی ٹوئنٹی سیریز کے لیے امام الحق کو شامل نہ کرنے کا فیصلہ کر لیاگیا۔نجی نیوزچینل جیو نیوز کے مطابق امام الحق کی جگہ صاحبزادہ فرحان کو ٹی ٹوئنٹی سکواڈ میں شامل کیا گیا ہے ۔ذرائع کے مطابق جارحانہ بلے بازی کرنے والے مڈل آرڈر آصف علی کو بھی ٹی ٹوئنٹی سکواڈ میں شامل کیا جائے گا ۔ون ڈے سیریز کے بعد امام الحق، محمد رضوان، شان مسعود وطن واپس آ جائیں گے۔

پاکستان کی اننگز کا آغاز فخر زمان اور صاحبزادہ فرحان کریں گے جب کہ مڈل آرڈر میں بابر اعظم، شعیب ملک، محمد حفیظ، حسین طلعت، آصف علی اور سرفراز احمد ہوں گے۔شاداب خان اور عماد وسیم آل راونڈرز ہوں گے جب کہ فاسٹ بولنگ کا شعبہ محمد عامر، حسن علی، فہیم اشرف، عثمان شنواری اور شاہین شاہ آفریدی پر مشتمل ہو گا۔پاکستان اور جنوبی افریقا کے درمیان تین ٹی ٹوئنٹی میچوں پر مشتمل سیریز کے میچ یکم، 3 اور 6 فروری کو کھیلے جائیں گے۔