وہ کام جو دوران پروز آپ کو اپنے موبائل فون کے ساتھ بالکل بھی نہیں کرنا چاہیے ، آسٹریلین ایئر لائن نے ایسی بات بتادی جو سب کو معلوم ہونی چاہیے

وہ کام جو دوران پروز آپ کو اپنے موبائل فون کے ساتھ بالکل بھی نہیں کرنا چاہیے ، آسٹریلین ایئر لائن نے ایسی بات بتادی جو سب کو معلوم ہونی چاہیفضائی سفر کے دوران بہت سے ایسے قوانین ہیں جنہیں مسافروں کو ہرصورت مد نظر رکھنا ہوتا ہے۔ ان میں سے ایک سفر کے دوران موبائل فون کا بند کرنا بھی ہے کیونکہ اگر موبائل فون آن ہو تو نہ صرف جہاز کی ڈیوائسز میں مسائل پیدا ہوسکتے ہیں بلکہ اور بھی پیچیدگیاں ہوسکتی ہیں لیکن اب آسٹریلین ایئر لائن نے ایسی بات بتادی ہے جو کسی بھی مسافر کو اپنے موبائل فون کے ساتھ نہیں کرنی چاہیےآسٹریلیا کی سول ایوی ایشن سیفٹی اتھارٹی نے فضائی مسافروں کیلئے وارننگ جاری کی ہے جس میں انہیں ہدایت کی ہے کہ اگر موبائل فون نیچے گرجائے تو فوری طور پر کیبن کریو کو اطلاع کی جائے اور اپنی نشست کو آگے پیچھے کرنے سے گریز کیا جائے۔ وارننگ میں بتایا گیا ہے کہ بعض مسافروں کے موبائل فون گرتے ہیں تو وہ اسے ڈھونڈنے کیلئے نشست کو آگے پیچھے کرتے ہیں جس کی وجہ سے اس کے نیچے پڑا ہوا موبائل فون اندرونی ٹوٹ پھوٹ کا شکار ہوجاتا ہے اور دباﺅ کی وجہ سے اس کی لیتھیم بیٹری گرم ہو کر پھٹ جاتی ہے اور آگ لگ جاتی ہے جو بہت سے لوگوں کی زندگیوں کیلئے خطرے کا باعث بن سکتی ہے۔اس سے قبل دوران پرواز موبائل فون سوئچ آف کرنے کے حوالے سے ایک پائلٹ نے ریڈٹ پر بتایا تھا کہ اس کو ایئر و پلین موڈ پر کرنے سے کوئی فرق نہیں پڑتا کیونکہ جس فریکوئنسی پر جہاز کے آلات کام کرتے ہیں اسی فریکوئنسی پر کوئی موبائل فون کام نہیں کرتا۔ پائلٹ نے بتایا کہ ساڑھے 14 ہزار فٹ کی بلندی کے بعد آن حالت میں موجود موبائل فون جہاز کے فنکشن میں خرابیوں کا باعث بن سکتے ہیں۔اس کے علاوہ جب جہاز لینڈنگ کر رہے ہوتے ہیں تو بھی لوگ جلدی جلدی موبائل آن کرنا شروع کردیتے ہیں جس کی وجہ سے جہاز کا سسٹم بگڑنے کا خطرہ پیدا ہوسکتا ہے۔ے